Lagi mengenai Gemilang Mirza.

Posted on 10 October 2008. Filed under: Banking, Finance, HYIP, Pelaburan, Perbankkan | Tags: , , , , |

Kadazan Dusun

Tuhun Islam pinokianu mooi do kikoimaan aadas om au osuvak

15th September, 2008 PAPAR: Minonuu i Hahansanon Layat Uvang Pantai Manis, i Datu Haji Abdul Rahim Ismail do tuhun ngaavi Islam mooi do mongigit koimaan di aadas om umivad mantad osuvak mimbalanja.

Ka disido, tuhun ngaavi Isalam nopo nga mositi momuginavo kobituahan vuhan Ramadan Al-Mubarak miampai mimang do koimaan doun kotundunan i kosudong miampai kopokionuan do Islam.

Tumanud disido, monumbozo do abaabazan ngaavi di kikavo kotundunan ontok vuhan Ramadan Al-Mubarak diti nopo nga okon noopo ko ponuu’an do ugama nga nogi iso tonggungan sosial kumaa doid tinimungan di okuang konosipan tavasi.

Datuk Abdul Rahim Ismail, isido ponogi i Poniikon Kotinanan Kobuuon Saba Malaysia (LKIM). Minonoos do mogisusuvai koimaan di tavasi om kosudong miampai kopokionuan do syarak miaga do mongukab kodos songovian om monohuod toi’ bersedekah’ kumaa doid di okuang konosipan tavasi do maan.

Minoboos isido diti di ontok pinopohombus pason id Abaabazan Mongukab Kodos om Kopotunuzan Titaak Kotundunan kuminaa doid Fakir Mosikin, Tanak Aiso Mohoing, tina osonguhunan, i nakaanjul id sosoiba do Mosogit Raudhatul Ilmiyyah, Kampung Kuala do doiti di tadau Koonom nakataib.

Abaabazan nokomoi, i pinaanjul do Upis Buuan Kobuuon Layat (UPKR) N.22 Pantai Manis miampai sokodung do Koupisan Ahal Ugama Islam Pogun Sabah (JHEAINS), Syarikat Gemilang Mirza Sdn Bhd om Kotinanan Kokuasaan Mosogit Raudhatul Iliyyah Kampung Kuala, i sabaagi hamin mononompuan.

Ahansan i Abdul Rahim mooi do tohuod di pinataak diti do kaanu monginggaan vinagat otoguvang do tanak ngaavi aiso mohoing om kaanu manaak kosivatan kumaa doid dioho montok momiumon kapanaandakan Ramadan om Hari Raya Aidilfitri di maso dumonto, ka disido.

Ontok ponogi diho, isido, i ponogi Ponovohi Huguan Umno Boogizan Papar, nga minongondos nogi do pininggisoman do Syarikat Gemilang Mirza Sdn Bhd (Botugan Momumunda Cemerlang Nazatan Pogun Sabah 2008) tu ohuduk nogi do minanaak tohuod kotundunan ontok ababazan nokomoi om pinapaanjul abaabazan mongukab kodos nokomoi i tumanud disido do kosudong do ombitanan do boogizan ngaavi suvai.

“Ahansan tokou do miampai kivaa diho abaabaaan miaga diti, kapanaak iho do kounsikaan kumaa doid tanak ngaavi aiso mohoing di kogompit,” ka disido.

Naamot diho, id pason di Potunud Ponguhudan do Gemilang Mirza Sdn Bhad, i Ag. Binting Pg. Mat Salleh, minoboos do nopiumanan do boogizan disido do nohoou montok umampai manaak tohuod kumaa doid dioho i momoguno dino.

Ka disido, tohuod diho nopo nga okon ko komozon o komponi nokomoi do popoopokito nga iho nopo, sabaagi iso kotundunan ‘jariah’ om ponginsomokan tikid timpu do komponi.

Tumanud disido, id koposozon, id nomboo do kivaatuhun do kotihombus kahantoi id nazaatan savat om iho nopo nga tumimpuun mantad id nazatan siibo.

Ka disido, kahansanan do sakadai di pinataak diti do kaanu manakadai om gunoon tavavasi do mononoimo ngaavi id pinosuat do boogian ponguhudan mangangazu.

Minoboos i Ag. Binting do ontok potitikid minduduuk Vuhan Ramadan, kopiuman o boogizan disido do kaandaman di aahom kozo, id nomboo o pikagasan piobpinoizan sabaagi do tuhun Muslimin do aanu pogioton tu au kohiiu o boogizan disido do popouhu titaak kumaa doid dioho di momoguno.

Naamot diho, pinapataak nogi i Abdul Rahim do titaak id kavo misin pongihik sakot kuminaa doid ponguhudan mosogit nokomoi, i nambit di poniikon dino, i Abdul Rahman Haji Akop.

Potindapou nogi doid abaabazan nokomoii Buuan Kobuuon Layat (PKR) Pantai Manis, i Amri Haji Abu Bakar, Hahansanon Puu Parlimen Papar, i Ashlie Kassim, Imam Uvang , i Haji Japar Abdullah, Puteri Umno Papar, buuan ngaavi mogigizon om tuhun mogigizon pososoihi.

Di petik dari : http://www.newsabahtimes.com.my/nstweb/fullstory/21705

P/s : Entah apa – apa tapi yang saya faham sikit sikit adalah kisah kehadiran Datu Haji Abdul Rahim Ismail ke satu majlis sempena bulan Ramadhan dan salah seorang VIp nya adalah Pengarah Gemilang Mirza Sdn Bhd, Ag. Binting Pg. Mat Salleh. dengar – dengar YB ni pun melabur jugaklah tapi tak tahu berapa. betulkah ni? ada sesiapa yang nak tolong betulkan???

Make a Comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: